Um homenagen ao jogador Zé Luís
Mi nka mutu fã de futebol, nka nem muto ta entendi drt modi que jogus ta funciona. Kes kusas di "fora di jogu, oitavas, meias finais,... ,..." nunka nka entendel drt, ê ka ta muto entran na kabesa propi.
Nta lembra q piquinoti nu ta djugaba bola na areia mas era ngatxadu de papá; la na Congressu undi nu ta moraba tinha um campu di terra q hoje ê un polivalente i nta lembra q n tinha hábito de fika na porta di casa ta odja jogu, ngatxadu de papá tambe (kk).
Mas hoji n odja un notisia q deixan kontenti. És rapaz di fotu li acho q nhos tudu konxel, Zé Luís. Hoji ê un grandi julgador i recentimenti el foi contratadu pa djuga na Futebol Clube do Porto, un time q desdi mininu, mesmu ka ta entende drt di jogu, mas era Porto q nta torceba pa ganha.
N sta skrebe isso pmd Zé Luís era noz colega di bera mar, el ku ses irmon, "minis di rol di mar", sima ta fradu na Fogo, i hoji n fika txeu kontenti di odja undi el sta. N tevi kuriosidadi di pesquisa na YouTube ses Gols i habilidades ku bola, i odja un rapaz q nu ta baba bera mar djuntu hoji ta bai djuga na FCP eh motivu di txeu orgulho pa homi i profissional q el torna.
Que bu kontinua ta leva nomi de CV pa undi bu bai i ku humildadi i profissionalismu djuga bola q ê o q sempri bu gosta del. Nós tudu ta lembra di kes fintas q bu ta daba nós kkk
Há tempus q el steve na CV el deixa un msg pa jovens jugadoris q kre fazi di futibol ses karrera profissional "nhos djuga bola komu si futebol fosse nhos profissão" i foi de kel forma la, ta djuga bola ku amor i profissionalismu q hoji ê sta ta djuga na stranjeru na grandis times.
Força la, amigu. Nós ê orgulhosu di bó
¬ @IsaíasCardoso
