Google Doodle homenageia Cesária Évora

Homenagens ka ta falta na Google Doodle, seja pa datas komemorativas, personalidadis ou eventus.

Provavelmenti dja bu digita "Google" na bu navegador di pesquisa web ta spera que pagina inicial di buskador abri, e en ves dissu bu depara ku algu inesperadu sima um ilustrason, um GIF ou ate un joguinhu, e bu fika sen entendi. Mas relaxa, isso ê Google Doodles!

Doodles ê kes versoes diferentis di marka Google e ê utilizadus especialmenti na feriadus, eventus importantis i aniversarius di pessoas famosas sima artistas, eskritoris, sientistas, etc. En otu palavras, Doodles ê forma de Google presta se homenagem i posiciona dianti di algun akontecimentu markanti.


Só pa questao di informason, primeru Doodle surgi na anu di 1998, en homenagen a festival Burning Man.

E hôji, 27 di Agostu, Google.cv sta homenageia Cesária Évora pa se aniversariu di 78 anus. E keli ê ilustrason que Google sta exibi na página inicial di se buskador em homenagen a ês grandi artista Kabuverdiana:

Nu ka ten informasons certu, mas possivelmenti ês homenagen só ta parci pa kenha q sta navega na Internet na Cabo Verdi, por kausa di dominio Google.cv. Si bu sta konsigui odjal tambe na país undi bu sta, komenta i dixanu sabe.

Cesária ka sta maz entri nos fisikamenti, mas si legadu na música kabuverdiana ka ta deixanu squeci del nunka.

Cesária nasci na dia 27 di Agostu di 1941, na cidadi di Mindelo. Filha di Justino da Cruz, tokador di cavaquinhu i violao, i di Dª Joana. Ses fidjus, Fernanda Évora i Eduardo Évora. Gênerus di músika que el ta kantaba ê Morna i Coladeira. El morri dia 17 di Dizembru de 2011, na São Vicenti, si terra natal.

Cesária ê konsiderada "embaixadora da morna", ku 24 diskus, entri originais, au vivu i parceria ku otus artistas di txeu países. Alguns di ses albuns gravadus: Miss Perfumado, Café Atlantico, La Diva Aux Pieds Nus, Mãe Carinhosa, Cabo Verde, ...

Alguns di ses musikas: Sodade (di albun Perfumado, de 1992), Besame Mucho (di albun Great Expectations: The Albun, de 1998), Petit Pays (di Albun Cesária, de 1995).

I pa nu relembra, obi musika Sodade de Cesária Évora, a "Diva dos Pés Descalsos":

'Quem mostra' bo, ess caminho longe, quem mostra' bo, ess caminho longe, ess caminho, pa São Tomé (…) sodade sodade, sodade dess nha terra São Nicolau (...)'

Olhar Cabo Verde Portal de Informações sobre Cabo Verde. Aqui você conhece Cabo Verde e fica de olho em tudo o que acontece no arquipélago.

0 Comentário

Enviar um comentário

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel