Agostu dja sta na fin i txuba te inda ka ben...

Kabu Verdi ê un país Insular (isoladu, independenti), que ka ten rios pa modja nós terra i nós klima ê tropikal seku. Nós nu ka sta situadu, geografikamenti, sima "Santumé i Principi" que ta fika baxu di linha di Equador i undi águ ka ta falta. Nós estason di tempu ê irregular i na se maioria seku.

Si ka fosse txuba kuse que ta ser di nós terra!?


Homis di saber - sientistas - ta atribui a ês sekas na mundu a condisons klimátikas i aumentu di temperatura di Terra. E na un país sima di nós que já ê seku nu ka nem meste komenta mutu: és dias inda 5h di tardi sol sta tão quente que bu ta pensa sta mei dia. Dja ten uns anos que txuba ka sta bem sima uns tempus atrás. Nta lembra di txeia ta korri na ruberas na Fogo i mar ta suja que nem banhu nu ka ta tomaba, na nós tempu di mininu di rol di mar.

Nka sabe kuse que ta passa na bu kabesa hora que nu ta fala sobre és assuntu, mas hora que nu sai na rua dja nu sta ta obi pessoas ta komenta sobri seka, txuba que dja demora, guentis que "simia in seku" kre ta perdi ses sementera.

Pessoas dja comesa ta pidi Deus pa manda txuba i keli dja sta ta deixan confusu: será que nu tem konsciensia que eh Deus mesmu que ta manda txuba ou nu ta atribui és fenômenu a ação di natureza en si?

Nta lembra di anu passadu kantu txuba dura que ben i kel poku que ben ka foi suficienti i komu nu reclama i txora di konsequensias dissu. Mas na kes dias que txuba ben nu grita, nu pula, nu fra Deus obrigadu, nu ba simia, monda i nu kontinua na nós mesma vida di sabura i ta pidi Deus "nhÔ lebanu só si". Txuba ka nem ben drt pa kes pé di midju ku fijon cria i nu txora, nu konforta, Otubru passa i nu xinta i spera azágua di ês anu.

Ês anu ti inda txuba ka ben i dja nu torna lembra di Deus pa mandanu txuba. Di li uns doz dias nu ta torna grita, pula, agradeci Deus i kontinua na nós mesma vida di sabura, ka simé?

Ou seja, di certa forma nu ta akredita que Deus podi manda txuba si El kre, mesmu que Terra sta pega lumi ou geografikamenti nós klima ê ka favorável, mas pena que nu ta lembra di Deus só na tempu txuba ou quandu el falta, restanti di anu nu ta vivi nós vida na sabura, na festa, na kurtisan sen lembra que Deus existi.

Ê bon que nu pensa komu povo se talvez és seca eh ka um desagradu di Deus pa nós ingratidão anu interu i adoração a deuses di barro i pó em vês di Kriador. Deus ka precisa que nu lembra dEl só hora que nu mestEl i Deus ka precisa di nós gratidão i sacrifisiu hora que nu teni butxu intxidu.

Deus kre ser Deus na nós vida tudu dia, tudu hora, na tudo estação, ku txuba ou na seka, na calor ou na frio i se El ê Deus di impossível ê ka podi mandanu txuba pa rega nós terra i danu nós pon di kada dia? Deus ka podi manda txuba pa rega nós padjigal, pa padja cria i deixa nós terra verdi sima si nomi? Deus podi sim i Deus podi fazel ês anu inda si nu pidil ku fé i nu vivi pa agradal anu interu.

Se Deus quiser txuba ta ben; se Deus ka kre, que ainda assin nu ka squeci dEl te próxima azágua.

Olhar Cabo Verde Portal de Informações sobre Cabo Verde. Aqui você conhece Cabo Verde e fica de olho em tudo o que acontece no arquipélago.

0 Comentário

Enviar um comentário

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel