Squeci Snapchat i Instagran. Jovens ten un novu Aplikativu preferidu

Ês aplikativu txoma TikTok i el ta permiti utilisadoris kria vidius kurtus di "lip sync".

Si bu ta kostuma navega txeu na internet pussivelmenti dja bu assisti algun vidiu k bem di ês aplikativu, k ê novu sensason entri jovens. Kriadu pa chinesa ByteDance, Tiktok ten tidu un krescimentu dignu di un fenomenu i el ten tudu pa kontinua ta kresci na 2019.


Di akordu ku relatoriu di SensorTower, na dizembru di 2018 ês aplikativu tevi 75 milhons di novus utilizadoris, k foi si midjor mes di sempri, i un aumentu di 275% en relason a mesmu mes de anu anterior.

Mas, kuse k ê TikTok i qual ê se objetivu?

TikTok ê un aplikativu di vidius kurtus k podi fasilmenti ser odjadu komu un sucessor di defunta Vine, pa kes k konxi. Mas TikTok ten un forti komponenti musikal k ta permiti fazi "lip sync" (sinkronia labial - un termu tekniku pa kombina muvimenti di labius ku voz) ku alguns musikas i determinadus sons, ideal pa krison di memes i vidius divertidus.

Kontrariu di o k ta kontici ku redi social sima Facebook, Instagran, Twitter, Youtube, k ta kostuma sta envolvidus na txeu komentarius negativus, TikTok torna un pikenu "kantu sussegadu" di Intenet i ês ê un di kes fator k txeu pessoas sta ta associa a si sucessu.

Dja bu konxi aplikativu TikTok?

Si inda nao, baixa li, versão gratuita pa Android i iOS.

Ku informaon di Expresso das Ilhas

Olhar Cabo Verde Portal de Informações sobre Cabo Verde. Aqui você conhece Cabo Verde e fica de olho em tudo o que acontece no arquipélago.

0 Comentário

Enviar um comentário

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel