Fika cienti dissu ôra que bu ta fazi kompra na Internet

Kompras on-line torna un febri na CV i te Correio há alguns meses staba ta papia sabi di komu issu ten aumentadu ses lucros, mas antis di bu fazi un kompra online ten alguns kusas k bu precisa sabi pamodi nem Correio nem Alfândega ê ka muto claru sobri alguns kusas, pa bu ka supreendi na hora de levanta bu produto.

Países k ta kobra taxas alfandegarias altu ê na sentidu di valoriza prudutu nasional, mas na CV ê ka ben assin. Li taxas k ta kobradu ka ê pa justifika o fatu di k guvernu kre valorisa produtu nasional, pmd nos fora grogu, pexi i alguns otus kusinhas nada maz nu ka ta produzi... altas taxas alfandegarias ê pa intxi cofri de Stadu e alega ma eh pa valoriza empresas que ta importa és mesmus produtos pa bendi na país, só di ês forma k te inda n odjal.


Imagina un situason: n manda kumpra un movel na China, k kusta 16.900$00, inluido freti i kantu txiga Correio notifikan di encomenda i k n tinha k bai buska na Centro di distribuison pamodi Alfândega precisa djobi isso... kantu n bai és fran ma n ten k paga 5.000$00 pan tral... mas na Correio ten un informason pregadu na paredi k ta fla si:

Sempre se cobrou uma taxa de 50 escudos para a entrega de encomendas com peso superior a 300 gramas. Entretanto, deliberamos no sentido de se alargar esta tarifa para todas as encomendas de compras on-line, sem restrição”, disse Cipriano Carvalho ...

Mas és ka ta fla k Alfândega ta trabadja la dentu i nem k quandu um enkomenda ultrapassa valor de 16.000$00 (na époka - 2019) ma ta kobradu un taxa de 30% de se valor, que gossi subi pa 35% e valor mínimo pa procuto ka ser taxadu tem que ser te 10.000$00.

Kantu n kestiona sobri dokumentu ku informason sobri taxa k alfandega ta kobra, sinhora flan pan bai na Site de Alfândega e lê sobri importação... Kel informason li devia staba anexu na paredis di Correio, de k Alfandegas ta revista certas enkomendas. Loja ta declara um valor baxu pa bu ka ser taxadu altu, correio ta pidiu recibu di kompra pa és podi kobrau. Otu kusa k ès ta fazi: si pacote for piquenu nem és ka ta abri pa odja eh kusé, só volumes grandi, ou seja, valor de enkomenda eh baseadu na volume. Trosa...

Ma isso ê Lei dja nu sabe, k 35% ta kobradu, mas ê propi ês lei k eh uma m****, pa txupa bolsus di pobris. Ka podia ser maz baixu? Mi ês kobran 5.000 pmd produto kusta 16.900$, mas si produtu kusta 20, 30, 40 te 50 mil dja nu sabi kantu seria kel 30%, né?

Nka sta questiona cobransa em si, mas o valor disso. 35% de valor di um encomenda k bo mesmu bu paga bu freti pa el? Qual foi trabadju di Alfandega ou di Correio pa cobra um valor tao alto assim? Ou eh só pamodi ê ês k ta autoriza entrada di produtus na país? Por isso k Telecom e T+ ta manda kumpra movel na China pa 10ton es ta ben bendi 30 contu li;

Li bu ka ta podi kumpra nada k bale pmd eh caro li, se bu manda kumpral fora di li ês ta kobrau um absurdo pa tral. Ta bali pena kumpra na net de CV? Ou nu tem k costuma ku nos Telecom e T+ ?

Por issu nós terra ta kontinua és porkaria k é un bes bai... kenha k for k defini és Lei di porcaria, nhos ten serteza ma nu sta cienti di nhos malandragen pamodi ês valor kobradu ka ten un justifikativa coerenti i nu sta na un terra k ka ta produzi nada, muto menus teknologia.

Olhar Cabo Verde Portal de Informações sobre Cabo Verde. Aqui você conhece Cabo Verde e fica de olho em tudo o que acontece no arquipélago.

0 Comentário

Enviar um comentário

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel